蝙蝠俠

尋晚終於都睇左蝙蝠俠,

怪怪地,

點解佢講野把聲咁沙架?
沙過變形俠醫.
同埋好鈍佢d動作,
再同埋點解會比狗咬架佢?.....
蝙蝠俠喎..蝙蝠喎..

睇到咁上下佢話要換過件蝙蝠衫,
要敏捷d,
我就覺得,
哦~原來佢專登比狗咬既,
跟住呢,

都係比狗咬.............

蝙蝠俠喎佢係...
我都無試過比狗咬啦,
佢係蝙蝠俠喎...
不如葛咸市養多幾隻狗啦d狗咁犀利...

我並唔熟識成個蝙蝠俠既故事,
(唔通一直都講蝙蝠俠係會比狗咬既?...)

輪到小丑,
Why so serious?
好型.
但拍得唔夠形,
佢太多理論,多到蓋過左佢既喪,
其實唔駛下下都講到咁白架下嘛佢?
小丑其實隨左喪之餘,
應該要多一份神秘感,
宜家呢個小丑有d太過"人"喇~
唔夠令人心寒係一個敗筆,
唔知呢~
同埋佢一殺親人就cut shot....點解咁架...
又要唔見血合家歡唔通?
咁不如拍SD蝙蝠俠啦~
可以同SD高達打過嘛.

不過最初佢玩鉛筆魔術同埋佢炸醫院呢兩幕係正既~
好小丑~

成套戲d lighting我都覺得麻麻地,
尤其是最後打雙面人果度,
好似睇緊五,六十年代d戲咁,
灰灰沉沉唔緊要,
但係佢係殘殘舊舊,
咁就出出地事...

我都係鐘意睇舊果套打企鵝~

最最最最最出事係,
個女主角超醜樣.
完.

p.s: Why so serious? <:-j