Brad Bird

上星期五睇左Rattatouille.
今年睇左咁多所謂大片,睇完佢之後,
都不禁講左句:[我終於睇番套"戲"喇終於!]
而呢套真係大片既導演Brad Bird亦係我最鐘意既導演之一.

(躬躹)

我第一部睇佢既戲係The Iron Giant,
我係睇vcd既,重要遲左兩年,
當時既我只睇日本動畫,對美國動畫一d興趣都無,
The Iron Giant令我改變左睇法.

跟住到The Incredibles,佢除左做導演同編劇之外,
重做埋配聲員,不得不寫個服字0.0

今年既荷里活大片,果d乜俠物俠海盜金鋼果堆,
除左成本大之外都無咩大,
d故事衰到離晒譜,一分鐘一個爛gag,
唔知呢班所謂導演睇完Ratatouille之後有咩感覺呢.......

前排公司安排我地去左Pixar一個seminar,
聽多好多有關CG既野,

嗯...(刪三百字對呢個講座既睇法)

不過其中一位講師講左句我覺得成個seminar最重要既說話,

佢話:[Pixar唔係一間CG公司,係一間Animation公司.]

希望當日好多人都有留意到呢句說話,
亦都明白呢句說話啦.

幅畫,想試下畫下d唔同既野,
跟住畫左呢對橙色怪人出尼,
但我唔鐘意太恐怖,所以加左對老鼠耳仔,
上面果隻個表情好似大聲講緊:[大鼠好好睇呀!!!!!!!]
下面果隻用低沉聲線答:[Yeah----]咁樣.